ҚАЗАЛЫ АУДАНЫ

Әкімдігінің ресми интернет - ресурсы

Нашар көретіндерге арналған нұсқа
Аудан
Билік
Құқық
Экономика
Бизнес
Инфрақұрылым
Қоғам
Мем. қызметтер
Байланыс
Әкім блогы
Билік
Құқық
Экономика
Басты бет Құқық Мемлекеттік құқықтық жұмыстар

Мемлекеттік құқықтық жұмыстар

Қазалы ауданы әкімдігі мен әкімінің құқықтық қамтамасыз ету бойынша атқарылған жұмыстар туралы

(ІІ тоқсан 2017 жыл)

 Норма шығармашылық қызмет. Қазалы ауданы әкімдігінің норма  шығармашылық қызметінің сапасын қамтамасыз ету және заңдылық режимін күшейту жөніндегі іс-шаралар жоспары жыл сайын бекітіліп, оны іске асыру үшін аудан әкімі аппараты тарапынан қажетті іс-шаралар қабылданып отыр.

Іс-шаралардың мазмұны нормативтік құқықтық актілердің сапасын және тұтастай алғанда мемлекеттік аппаратта құжаттармен жұмыс мәдениетінің деңгейін айқындайтын заң техникасының деңгейін тұрақты жетілдіру және арттыруға бағытталған. 

Норма түзушілік қызметке жұртшылықтың, үкіметтік емес ұйымдардың және жеке кәсіпкерліктің мүдделерін білдіретін бірлестіктердің өкілдерін кеңінен және тұрақты негізде тарту шаралары іске асырылып келеді. Бұл ретте, өткен жылдың  1 қаңтарынан бастап қолданысқа енгізілген «Қоғамдық кеңестер туралы» заңға сәйкес актілердің жобаларына аудандық қоғамдық кеңестің қорытындылары алынуда.

2017 жылдың 6 айында аудан әкімдігінің 137 қаулысы,  аудан әкімінің 3  шешімі, аудан әкімінің 210 өкімі қабылданып, оның ішінде 7 нормативтік құқықтық акті облыстық әділет департаментінен мемлекеттік тіркеуден өтті.

Осы жылдың 6 айында кент, қала, ауылдық округі әкімдерімен 415 шешім қабылданса, оның  278-і кент әкімімен, 42-і қала әкімімен, 95-ы ауылдық округ әкімдерімен қабылданған, оның ішінде  2 нормативтік құқықтық акті  облыстық әділет департаментінен мемлекеттік тіркеуден өтті.

Осы жылдың  6 айында кент, қала, ауылдық округі әкімдерімен  1623 өкім қабылданса, оның 329-і кент әкімімен, 162-ы қала әкімімен, 1132-і ауылдық округ әкімдерімен қабылданған.

2016 жылғы 6 сәуірдегі «Құқықтық актілер туралы» Қазақстан Республикасы Заңының 67-бабы 2-тармағына сәйкес әкімдіктердің, әкімдердің нормативтік құқықтық актілерін ресми жариялау Қазақстан Республикасы нормативтік құқықтық актілерінің ақпараттық-құқықтық жүйесінде 2017 жылдың 1 қаңтарына дейін жүзеге асырылды. Ағымдағы жылдан бастап, нормативтік құқықтық актілерді ресми жариялау Қазақстан Республикасы нормативтік құқықтық актілерінің эталондық бақылау банкінде де электрондық түрде жүзеге асырылып келеді. 

Аталған кезеңдерде облыстық әділет департаменті тарапынан мемлекеттік тіркеуге жолданған нормативтік құқықтық актілерді тіркеуден бас тарту фактілері орын алған жоқ. Прокуратура тарапынан наразылықтар болмаған.  

Аудан әкімі аппаратының заң қызметімен нормативтік құқықтық актілерге дер кезінде мониторинг жүргізіп отыру, оның ішінде ескірген нормалары бар немесе заңға қайшы актілердің күшін жою жұмыстары тұрақты жолға қойылды.

Құқық бұзушылықпен күрес жұмыстарын үйлестіру. Құқық бұзушылық профилактикасы жөніндегі аудандық ведомствоаралық комиссияның 2017 жылға арналған жұмыс жоспарына сәйкес, 2016 жылдың 12 айы қорытындысымен аудан көлемінде жалпы қылмыстық ахуалға және құқық бұзушылық профилактикасы барысында жергілікті атқарушы, құқық қорғау органдарымен қабылданған шараларға талдау жасалды.

               2017 жылдың 6 айында аудан көлемінде орын алған қылмыстардың саны -20,3 пайызға (379-дан 302-ге) төмендеген. Оның ішінде, мас күйінде жасалған қылмыстар 9,4 пайызға (32-ден 35-ке) жоғарыласа, топ болып жасалған қылмыстар 22-де 22 болып бір деңгейде қалған. Бұрын сотты болғандармен жасалған қылмыстар -2,5 пайызға (40-тан 39-ға), қоғамдық орындарда жасалған қылмыстар -21,9 пайызға (96-дан 75-ке) және көшелерде жасалған қылмыстар -29,9 пайызға (67-ден 47-ге) төмендеген. Сонымен қатар, кәмелетке толмағандармен, отбасы тұрмыстық салада және атыс  қаруын қолданумен жасалған қылмыстар орын алмаған.

       Есепті мерзімде орын алған қылмыс түрлеріне тоқталсақ, ауыр дене жарақатын салу 0-ден 4-ке, зорлау 3-тен 4-ке және есірткінің заңсыз айналымы 16-дан 19-ға жоғарылаған. Сондай-ақ, адам өлтіру қылмысының 1 дерегі орын алып былтырғы жылмен бір деңгейде қалған.

       Сонымен қатар, есепті мерзімде бөтеннің мүлкін ұрлау қылмыстары -21,5 пайызға (237-ден 186-ға), оның ішінде, пәтер ұрлығы -6,8 пайызға (44-тен 41-ге), мал ұрлықтары -36,5 пайызға (63-тен 40-қа), алаяқтық -44,4 пайызға (18-ден 10-ға), тонау қылмысы -33,3 пайызға (3-тен 2-ге) және бұзақылық қылмысы -36,7 пайызға (30-дан 19-ға) азайса, қарақшылық пен бопсалау қылмыстары орын алмаған.

       Жергілікті полиция қызметінің қызметкерлерімен орын алған қылмыстарды ізін суытпай ашу жағдайына тоқталсақ, 6 айда учаскелік полиция инспекторларымен-48 (былтыр-45), жол-патрульдік полиция нарядтарымен-38 (былтыр-37) және ювеналды полиция тобымен -3 (былтыр-3) қылмыстың беті ашылған.

       2017 жылдың 6 айында Жергілікті полиция құрылымдармен жол қозғалыс ережелерін бұзу мен қоғамдық қауіпсіздік желісі бойынша барлығы-2988 /2016 жылы-3208/ әкімшілік құқық бұзушылықтар анықталып, жалпы құқық бұзушылықтарды анықтау былтырғы 6 аймен салыстырғанда 6,8 пайызға төмендеген.

       Оның ішінде, ЖППт-мен жол қозғалыс ережелерін бұзудың - 709 /2016 ж.-905/ дерегі анықталып 21,6 пайызға және қоғамдық қауіпсіздік желісі бойынша барлығы-2276 /2016 ж.-2303/ құқық бұзушылық дерегі анықталып 1,1 пайызға төмендеген.

       Жалпы жыл басынан бері анықталған құқық бұзушылықтардың - 904 дерегі бойынша салынған 8 070 636 теңге айыппұлдың, 796-ы бойынша 6 694 417 теңгесі өндіріліп, айыппұлдардың өндірілуі 80 пайызды құрады.

Құқық бұзушылық профилактикасы комиссиясымен әр тоқсан қорытындысымен аудан көлеміндегі қылмыстылық жағдайына талдау жасалып, мәжілістерде қаралып, тиісті іс-шаралар белгіленіп, орындалуын қамтамасыз ету тиісті органдарға жолданып, қылмыстың алдын алуға бағытталған жұмыстар атқарылды.

Сыбайлас жемқорлықпен күрес.

Сыбайлас жемқорлыққа қарсы күрес бойынша Қазалы ауданында жергілікті атқарушы, құқық қорғау органдары және үкіметтік емес ұйымдармен бірлескен шаралар қабылданып жұмыстар атқарылуда.

Сыбайлас жемқорлыққа қарсы күрестің жауаптылығын арттыру мақсатында аудан әкімінің төрағалығымен сыбайлас жемқорлыққа қарсы күрес жөніндегі аудандық комиссия отырысы тоқсан сайын өткізіліп, мемлекеттік орган басшыларының есептері тыңдалып келеді.

Атап айтқанда, 2017 жылдың бірінші жарты жылдығында, «Денсаулық сақтау саласында сыбайлас жемқорлыққа қарсы қабылданған іс-қимыл шаралары туралы», «Ішкі істер бөлімінде жемқорлықтың алдын алу және сыбайлас жемқорлыққа қарсы қабылданған іс-қимыл шаралары туралы», «Алға ауылдық округі әкімінің аппаратымен жемқорлықтың алдын алу және  сыбайлас жемқорлыққа қарсы бағдарламаны іске асыру туралы» мәселелері қаралып, сыбайлас жемқорлыққа қарсы шаралары жүргізілуде.

Комиссия шешімдерімен жергілікті атқарушы органдардың басшыларына және кент, қала, ауылдық округі әкімдеріне, мүдделі мемлекеттік орган басшыларына жемқорлықпен күресті күшейту, өз аппараттарында жемқорлыққа қарсы іс-қимылды күнделікті қатаң бақылау алу міндеттелді.

Оған қоса аппараттық мәжілістерде мемлекеттік органдардың бірінші басшыларына мемлекеттік және еңбек тәртіптерін қатаң сақтау, қаржылық заң бұзушылықтарға жол бермеу, жеке және заңды тұлғалардың өтініштерін қарау, мемлекеттік қызмет көрсету және т.б. мәселелері қатаң ескертіліп отыр.

Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру аясында аудан әкімдігінің 2015 жылғы 23 шілдедегі №190 қаулысымен сыбайлас жемқорлықты азайту мақсатында аудан бойынша іс-шаралар жоспары бекітіліп, жүйелі жұмыстар жүргізіліп келеді.

2017 жылдың 2 ақпанында аудан әкімдігінің мәжіліс залында барлық мемлекеттік органдардың қатысуымен сыбайлас жемқорлық тәуекелдеріне ішкі талдау, сыбайлас жемқорлыққа қарсы мониторинг жүргізу тәртібі туралы семинар кеңес өткізілді.

2017 жылдың 22 ақпанында Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті, аудан әкімінің орынбасары, құқық қорғау органдарының басшылары, дербес бөлім басшылары, кент, қала, ауылдық округ әкімдері, білім беру ұйымдарының басшылары, денсаулық сақтау ұйымының өкілдері, мекеме басшылары және бұқаралық ақпарат құралдарының өкілдерінің қатысуымен сыбайлас жемқорлыққа қарсы күрес жөнінде кеңейтілген мәжіліс өткізіліп.

Кеңейтілген мәжілісте, «Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментімен сыбайлас жемқорлық профилактикасы және Әдеп кодексінің сақталуы бағытындағы атқарылған жұмыстар туралы», «Қоғамдық мүдде, әділеттілікті қалыптастыру сыбайлас жемқорлықпен күрес жүргізудің құралы туралы», «Сыбайлас жемқорлық профилактикасы, сыбайлас жемқорлыққа қарсы іс-қимыл заңнамаларының сақталуы бағытындағы атқарылған жұмыстар туралы» мәселелері қамтылды.

Мемлекеттік органға бағынысты мемлекеттік мекемелер мен кәсіпорындардың және құрылымдық бөлімшелерінің қызметіне сыбайлас жемқорлыққа қарсы мониторинг жүргізіліп, нәтижесі бойынша сыбайлас жемқорлық тәуекелдеріне ішкі талдау жұмыстары жүргізілді.

Сонымен қатар сыбайлас жемқорлыққа қарсы мәдениетті қалыптастыру мақсатында, «Пара беру-бас бостандығыңнан және болашағыңнан айырады!», «Пара беру-бұл қылмыс», «Пара алу-бұл қылмыс» тақырыптарында түсіндірме парақшалар, «Сыбайлас жемқорлық фактілері бойынша хабарлаған немесе онымен күресуге атсалысқан азаматтар қылмыстық жауапкершіліктен босатылады, біржолғы ақшалай сыйақы алады және мемелекет қорғауында болады» тақырыптарында жадынама таратылып, «Парасыз қоғам-Ұлт болашағы», «Адалдық пен сатылмайтындық Атамекенге деген сүйіспеншіліктің белгісі», «Еліміздің өркендеуі адал және сатылмайтын азаматтардың қолында»  тақырыптарында кент, қала және ауылдық округтердің көрнекі орындарында бильборттар ілінді.

Құқықтық оқу жұмыстары. Азаматтардың құқықтық мәдениетінің деңгейін арттыру және құқықтық тәрбие беру жөніндегі  Қазалы ауданының 2017 жылға арналған іс-шаралар жоспары бекітіліп, әрбір мемлекеттік органға өз қызметі салалары бойынша заңнама талаптарын түсіндіру үшін бұқаралық ақпарат құралдарында мақала жариялау сұқбаттар беру дәрістер өткізу, семинарлар, кездесулер, интернет-конференциялар тоқсан сайын ұйымдастырылып отыр. 

Алқа билер тізілімін жүргізу: «Алқабилер туралы» Қазақстан Республикасының 2006 жылғы 16 қаңтардағы Заңының талаптары бойынша   Қазалы ауданы бойынша 2017 жылға  алқабиге кандидаттардың алдын ала 575 азаматтың тiзiмi жасақталып, облыс әкімдігіне жолданды. 

Медиаторлармен жүргізілген жұмыстар: Қазалы ауданы бойынша 58 кәсіпқой емес медиаторлар тізімі жасақталған.

Аудан көлемінде 2 кабинет (1 кәсіпқой, 1 кәсіпқой емес медиатор «Оқушылар үйінде) жұмыс жасауда.

2017 жылдың 6 айы бойынша  кәсіпқой емес медиаторлардың қатысуымен 19 азаматтық, 10 қылмыстық және 11 әкімшілік істер қаралып шешім қабылданған.

2016 жыл бойынша кәсіпқой емес медиаторлардың қатысуымен 59 азаматтық, 83 қылмыстық және 10 әкімшілік істер қаралып шешім қабылданған.

Сонымен қатар әрбір ауылдық округтерде медиаторлардың қатысуымен тоқсан сайын отырыстар өткізіліп келеді.

         Алдағы уақытта да медиация институтының маңыздылығы жөнінде, кәсіпқой емес медиаторлардың дәрежесін көтеру мақсатында тиісті жұмыстар жасалатын болады.

Кіру