ҚАЗАЛЫ АУДАНЫ

Әкімдігінің ресми интернет - ресурсы

Нашар көретіндерге арналған нұсқа
Аудан
Билік
Құқық
Экономика
Бизнес
Инфрақұрылым
Қоғам
Мем. қызметтер
Байланыс
Әкім блогы
Билік
Құқық
Экономика

Білім

Қазалы ауданы бойынша білім саласында 2017 жылдың І жартыжылдығында атқарылған жұмыстар туралы

 

Қазалы ауданының білім бөлімі Қазақстан Республикасы Президентінің 2016 жылғы 1 наурыздағы №205 Жарлығымен бекітілген Қазақстан Республикасында білім беруді және ғылымды дамытудың 2016-2019 жылдарға арналған мемлекеттік бағдарламасының негізгі бағыттарын басшылыққа ала отырып, 2016-2017 оқу  жылы төмендегі тиісті шараларды атқарды.

1.Мектепке дейінгі тәрбие  және оқыту.

   «Мектепке дейінгі тәрбие мен оқытудың  жаңартылған жалпы міндетті стандарты» тақырыбындағы біліктілік арттыру курстарынан 154  тәрбиеші, «Кәсіби құзіреттілік-педагог тәрбиешілердің шығармашылық және жаңашылдық қызметінің негіздері» тақырыбында 68 тәрбиеші, біліктілік арттыру курсынан өтіп, қайта даярланды.

Жаңа технологиялық әдіс-тәсілдерді өздерінің тәжірибелерінде тиімді қолданып жүрген шағын орталықтардың, балабақшалардың іс-тәжірибелерін насихаттау мен жаңадан ашылған шағын орталықтарға әдістемелік көмек көрсету мақсатында   №165 мектеп жанындағы «Балдаурен» шағын орталығының базасында «Шағын орталық құрылымындағы балалардың әлеуметтік бейімделуі  және оларды  ерте бастан дамыту мәселелері»  №11 «Балапан» балабақшасында «Мектепке дейінгі ұйымдарға заманауи технологияларды енгізудің жолдары» тақырыптарында семинар–практикумдар, №24 «Жауқазын» балабақшасы базасында әдістемелік семинар, №21 «Алпамыс» балабақшасында педагогикалық оқу өткізіліп, қатысушылар өздерінің іс-тәжірибелерімен бөлісіп, әдіс алмасты. №95 мектеп базасында «Мектепке дейінгі  шағын орталықтарында рухани - адамгершілік тәрбие қағидалары негізінде дамытушы ортаны құру» тақырыбында шағын орталықтарға арналған аудандық семинар өткізілді.

9 наурыз күні Қызылорда қаласында мектепке дейінгі білім беру педагогтарының арасында «Үздік флипчарт сабақ» облыстық байқауы өткізіліп, аудандық кезеңдік іріктеуден үздік шыққан №21 Алпамыс балабақшасының тәрбиешісі Рысмамбет Ақнұр қатысып, бас жүлдені иеленіп, республикалық кезеңге жолдама алды.

           Мектептегі бастауыш білім беруге келер болсақ, үстіміздегі  жылдың 17 сәуір  күні №249 мектеп-лицейде аудандық білім бөлімі әдістемелік кабинетінің ұйымдастыруымен «Жаратылыстану және дүниетану пәнінде оқушылардың функционалдық сауаттылығын арттыру» тақырыбында аудандық бастауыш сынып мұғалімдеріне арналған семинар өткізілді. Семинарды бастауыш сынып  оқушылары  сауат ашу, орыс тілі, ағылшын пәндерінің ерекшеліктеріне тоқтала отырып «Менің Отаным Қазақстан» тақырыбында әдеби-музықалық композициямен ашты. Қатысушылар  1-сыныпқа қажетті құжаттар, критериалды бағалау нұсқаулығы, модерация хаттамасы қалыптастырушы бағалау парағы,электронды журналдар, оқушы портфолиолары, сонымен қатар орыс тілі, ағылшын, көркем еңбек пәні бойынша да қажетті құжаттар орналасқан көремемен танысты. Семинар барысында  бастауыш сыныптарында ашық сабақтар, түрлі тақырыпта коучингтер, сонымен қатар мектеп психологтарының ұйымдастыруымен тренингтер өткізілді.  Семинар қорытындысында қатысушылар өздерінің пікірлерін білдіріп,семинардан алған тәжірибелерімен ой бөлісті.

 

     

2.Орта білім беру

Аудан бойынша 3 негізгі, 33-і орта - барлығы 36 мектеп жұмыс жасайды.. Мемлекеттік бағдарламадағы апаттық және үш ауысымда білім беретін мектептерді 2019 жылға дейін толық жою мүмкіндіктері қаралған болса, ауданымызда апаттық жағдайдағы №93 және №102 мектеп құрылысы пайдалануға берілсе,№№98, 134, 259 мектептердің жаңа ғимараты 2017 жылдың көлемінде пайдалануға беріледі.

Мемлекеттік бағдарламадағы «Педагог кәсібінің беделін және олардың сапалық құрамын арттыру» міндеттері бойынша жаңа формациядағы ұстаздарды дайындау, «Ұлт жоспарының» 76-қадамы негізінде адам капиталының сапасын көтеру  арқылы еліміздің білім жүйесін халықаралық стандарт деңгейіне жеткізу білімді де білікті мамандар дайындауды талап етеді. Қазіргі уақытта аудан мектептерінде 2336 мұғалім қызмет атқарады.Олардың жоғары білімдісі-2126, арнаулы орта білімдісі-210.  Жоғары санатты-135, (6%), І санатты–641 (27,4%), ІІ санатты - 916 (39,2%), Cанатсыз-644 (27,5%). Жоғары, І санатты мұғалімдердің үлесі-аудан бойынша 33,4 пайызды құрайды.

Бағдарламада жоғары және І санатты ұстаздардың үлесін 2017 жылы 52 пайызға жеткізу міндеті қойылған, ендігі кезекте осы бағытта жұмыстар жүргізілетін болады.

Білім беру мазмұнын жаңарту бағдарламасы  оқытудың жаңа əдіс-тəсілдерін енгізу арқылы  білім беру жүйесін реформалауға үлес қосуда. Бұл бағдарлама «Назарбаев Зияткерлік мектептері» ДББҰ Педагогикалық шеберлік орталығы Кембридж Университетімен  бірлесе отырып, мектеп пəндерінің оқу бағдарламаларына, оқу жоспарларына жəне бағалау моделіне негізделген. Оның мақсаттары мен міндеттері, іске асырудан күтілетін нəтижелер ұсынылған. Бүгінгі күнге ауданның 483 мұғалімі, 30 мектеп басшысы осы бағдарлама бойынша біліктілік арттыру курсынан өтіп, жұмыс жасауда. 6 мектеп басшысы осы жылдың ақпан айында біліктілігін арттырды.

Аудан бойынша үштілділік саясатын жүргізуге байланысты ағылшын тілін оқытудың заманауи әдістемесін енгізу мақсатында сураныс,  білім бөлімінің ұсынысымен «SNAP ENGLISH» орталығы ашылып, онда 80 оқушы тереңдетілген ағылшын тілін үйренуде.  Сонымен қатар, «Арман» оқу орталығында 108 оқушы тереңдетілген ағылшын тілін үйреніп,  үш тілді кіріктіріп, семинарлар, сайыстар өткізілуде.

Аудан бойынша «Білім беру мазмұнын жаңарту жағдайындағы бағдарламалар» бойынша 2017 жылдың наурыз-мамыр айлары аралығында 113 бастауыш сынып мұғалімі біліктілік  арттыру курстарынан өтті.

Оқу пәндері бойынша 14 ағылшын тілі пәнінің, 25 орыс тілі пәнінің,52 қазақ тілі пәнінің, 34 математика пәнінің, 35 физика пәнінің, 32 информатика пәнінің, 10 тарих пәнінің, 7 химия пәнінің, 6 биология пәнінің,  60 дене тәрбиесі пәні мұғалімдері біліктілігін арттырды. Сонымен қатар «Назарбаев зияткерлік мектептері» педагогикалық шеберлік орталығында 2017  жылдың 10 шілдесінен бастап 12 оқытушы-тренер дайындықтан өтуде. Олар мектептердің  мұғалімдерін жаңа оқу жүйесі бойынша жұмыс істеуге кәсіби тұрғыдан үйретіп, тәлім береді.

Сонымен қатар , әр түрлі іс шаралар өткізіліп, жақсы нәтижелерге қол жеткізуде. Атап айтсақ, ҚР Білім және Ғылым министрлігінің ұйымдастыруымен үстіміздегі жылдың 21-23 ақпан күндері Бурабай қаласында «Біз – Мәңгілік елдің іргетасын қалаушы, Ұлы дала ұрпағымыз!» атты республикалық патриоттар форумы болып өтті. Ауданымыздан форумға шақырту алған 3 оқушы, №249 мектеп-лицейдің 6-сынып оқушысы Мылтықбай Ербол,  Ақтан батыр ауылындағы №190 орта мектептің 10-сынып оқушысы Сержан Ербұлан, 9-сынып оқушысы Бақытжанова Несібелі барып қатысып қайтты. Форум аясында түрлі іс-шаралар, конференция, флешмобтар ұйымдастырылды. Ауданымыздан барған оқушылар Патриоттар клубына мүше болып қабылданып, «Патриот» төсбелгісімен марапатталып, арнайы сертификаттарға ие болды.

2017 жылдың 24 наурыз күні «Дарынды балаларға – талантты ұстаз» атты Республикалық байқаудың аудандық іріктеу кезеңі болып өтті. Жас педагог қызметкерлердің шығармашылық әлеуетін және өзін-өзі дамыту үшін жағдай жасау,  білім беру жүйесін жетілдіруге жас мұғалімдердің белсенді кәсіби көзқарасын қалыптастыру мақсатында өткізілген байқауға еңбек өтілі 3 жылдан кем емес жас педагогтар, психологтар қатысып, байқаудың шарттарына сәйкес жұмыстар көрсетті. Нәтижесінде  №249 мектептің бастауыш сынып мұғалімі Жанәбілова Әйгерім І орынды иемденіп, облыстық кезеңнен ІІІ орын, республикалық кезеңнен ІІ жүлделі орынға ие болды.  

2017 жылдың 27 сәуір күні №70 орта мектеп базасында жаңартылған білім беру бағдарламасын жүзеге асыру аясында мұғалімдердің кәсіби шеберліктерін жетілдіру, жаңа педагогикалық технологияларды оқу үдерісіне енгізу арқылы мұғалімдердің құзіреттілігін дамыту, мектеп басшыларының өзара тәжірибе алмасуын жүзеге асыру мақсатында білім бөлімінің ұйымдастыруымен «Білім беру мазмұнын жаңарту жағдайында сауат ашу жұмыстарын тиімді ұйымдастыру» тақырыбында аудандық семинар өткізілді. Семинарға мектеп директорларының оқу ісі жөніндегі орынбасарлары, бастауыш сынып мұғалімдері қатысты. Семинар аясында әідстемелік көрме ұйымдастырылып, бастауыш сынып мұғалімдерінің ашық сабақтарына ұласты. Сонымен қатар, мектеп директорының оқу ісі жөніндегі орынбасары Сәдухас Райхан жаңартылған білім беру мазмұнын жаңартудағы өзгерістер, ҰМЖ,ОМЖ,ҚМЖ жазудың ерекшеліктері туралы баяндама жасап, бастауыш сынып мұғалімдері жиытық бағалауды үйлестіру жолдары, қысқа мерзімді жоспар құрылымы туралы тренингтер өткізді.

Аудан мектептерінде мектеп бітіруші түлектерге аттестат беру салтанатты кеші болып өтті.  Аудандық білім бөлімінің басшысы Ақзира Бақтыбайқызы №249 мектеп-лицейде өткен «Алып ұш көкке ақ қанат арман» атты кешке қатысып, 12 Алтын белгі иегерлеріне аттестатын және «Алтын белгі» медалін, облыс әкімі Қырымбек Елеуұлының алтын белгі иегерлеріне арнаған құттықтауын табыс етіп, алдағы тұрған үлкен сынға сәттілік тілеп, өзінің жүрек жарды ақ тілегін арнады. Сонымен қатар аудандық мәслихат хатшысы Күнтілес Айдарбекұлы, ардагер ұстаздар салтанатты кештің қонағы болып, жас мектеп бітіруші түлектерге батасын берді.

2017 жылғы Ұлттық Бірыңғай Тестілеу қорытындысы туралы

          2016 – 2017 оқу жылын 713 оқушы 11 сыныпты бітіріп 458 оқушы (444 оқушы қазақ, 14 оқушы орыс тілінде) ұлттық бірыңғай тестілеуге қатысты. Қатысу пайызы 64,2.

          Ұлттық бірыңғай тестілеуге №249, 103 мектептер оқушыларын 90 пайыздан жоғары қатыстырды. Ал оқушыларын 50 пайыз төмен №100, 182, 98, 234 мектептер қатыстырды.

         Ұлттық бірыңғай тестілеу 21 маусым күні бір кезеңде №249 мектеп – лицейде өткізілді.

         Аудан бойынша 33 орта мектептен 458 оқушы қатысып, мектептердің орташа балы 85,4 балды құрады.

ҰБТ - ға қатысқан 458 оқушының 22 – сі жоғары оқу орнына шығармашылық емтихан тапсырамын деп ҰБТ кезінде тек ғана екі пәннен тапсырды. Соның нәтижесінде 436 оқушының орташа балы 88,1 балды құрады.

Ұлттық бірыңғай тестілеу қорытындысы бойынша 11 оқушы (2,4%) шекті балдан төмен жинады.

Пәндердің орташа балы бойынша сараласақ:

Қазақстан тарихы- 15,5 балл,

Математикалық сауаттылық – 10,5 балл

Оқу сауаттылығы – 16,3 балл

Екі бейінді пән бойынша:

Биология – 23,5 балл (193 оқушы),

Физика – 21,1 балл (128 оқушы),

Химия – 22 балл (131 оқушы),

Тарих – 23,3 балл (90 оқушы),

Ағылшын – 22,1 балл (30 оқушы),

Қазақ тілі мен Әдебиет – 24,5 балл (29 оқушы),

География – 23,2 балды (101 оқушы)

Математика – 21 балды (151 оқушы)

Адам, қоғам, құқық – 31,3 балды (18 оқушы)

Орыс әдебиеті – 23 балды (1 оқушы) құрап отыр.

 

Пәні

2015-2016 оқу жылы

2016-2017 оқу жылы

Бала саны

Орташа балы

Бала саны

Орташа балы

Қазақ тілі (оқу сауаттылығы)

492

19,9

458

16,3

Қазақстан тарихы

492

18,4

458

15,5

Математика (сауаттылығы)

492

14,1

458

10,5

Биология

214

16,7

 

23,5

Физика

158

15,2

 

21,1

Химия

19

16,2

 

22

Тарих

14

16,5

 

23,3

Ағылшын

24

18,6

 

22,1

Әдебиет

24

17,8

 

24,5

География

39

17,7

 

23,2

Адам, қоғам, құқық

 

 

 

31,3

Орыс әдебиеті

 

 

 

23

Жалпы орташа балы

492

82,09

458

85,4

 

ҰБТ қорытындысымен 50-ден төмен шекті балдан өте алмай тұрған 11 оқушы бар. (Бұл 2016 жылмен салыстырғанда 1 оқушыға азайды)

Мектептер бойынша:

№№226, 70, 100, 234, 134 мектептерден - 1 оқушыдан

№№249, 266 мектептерден - 3 оқушыдан

         50-70 балл аралығында – 56 оқушы (12,2 %), 71- 99 балл аралығында 250 оқушы (54,5 %), 100 және 100 ден жоғары 26 мектептен 120 оқушы (26,2%) бар. (2016 жылы 71 оқушы)

         100 ден жоғары 71 оқушы мектептер бойынша:

         №238, 98, 24, 16 мектептерде – 1 оқушыдан

         №225, 190, 182, 103, 102, 170, 95 мектептерден – 2 оқушыдан

         №91, 165, 104 мектептерден – 3 оқушыдан

         №88, 97 мектептен – 4 оқушы

         №94, 226, 17 мектептерден – 5 оқушыдан

         №266, 25, 216 мектептерден – 6 оқушыдан

         №90, 204, 70 мектептен – 7 оқушы

         №249 мектептен – 31 оқушы

         Ең жоғары 132 балды №249 мектеп-лицейдің оқушысы Жәли Гүлсезім Русланқызы жинаса, ең төменгі 23 балды №249 мектеп-лицейдің оқушысы Орысбай Есімбет Жарасқанұлы жинап отыр.

         Ұлттық бірыңғай тестілеу тапсырған оқушыларға 33 мектепте барлығы 398 мұғалім сабақ берді.

Оның ішінде:

Жоғары санатты - 46 (11,5%)

І санатты – 163 (41%)

ІІ санатты - 150 (38%)

Санатсыз – 39 (9,5%)

Жоғары білімді - 396 (99,5%) Арнаулы орта - 2(0,5%)

Күндізгі – 286 (71,8%)

Сырттай – 112 (28,2%)

Орташа еңбек өтілі - 17

Тәрбие беру жұмыстары

Аудан мектептеріндегі тәрбие жұмысы  Қазақстан Республикасы Білім және ғылым министрлігінің 2015 жылғы 22 сәуірдегі №227 «Тәрбиенің тұжырымдамалық негіздерін бекіту туралы» бұйрығымен бекітілген тәрбие тұжырымдамасы негізінде және мектеп оқушыларының бойында "Мәңгілік Ел" жалпыұлттық патриоттық идеясының рухани-адамгершілік құндылықтарын және салауатты өмір салты мәдениетін қалыптастыру бағытында жүргізіліп келеді.

Мектеп оқушыларының  өміріне қауіп төндіретін   ойындарға   кіруінің   алдын алу  бағытында 2017 жылдың 6-8 ақпан  аралығында  36 мектептің 1-11 сынып оқушыларының  ата-аналарына  жиналыс өткізуге, оқушыларды  әлеуметтік  желідегі  парақшасын  анықтауға, оларға түсіндірме жұмыстарын жүргізуге  тапсырма  берілді.  Осы орайда  әлеуметтік  желідегі  «Синий кит», «Тихи дом», «Беги или умри» және т.б ойындарынан  сақтандыру  бағытында  Мешіттен,ішкі істер бөлімінен мамандар  қатыстырылып, мектеп  психологтары баланың  психикалық  денсаулығына   әсер  ету  қаупі  туралы    түсіндірме   жұмыстары  жүргізілді.  Ата-аналарға  балаларының  смартфон  пайдалануға  болмайтындығы айтылып,ата-аналарынан қолхаттар  алып, интернет  желісіне  кірмеуін   қатаң  қадағалап отыру  ескертілді.Отбасында  ата-анамен  бала  арасында  тығыз  қарым-қатынас  үнемі орнауына  ықпал жасау үшін  кеңестер берілді.Осыған орай   ай  сайын  мектеп  психологтары оқушылардың психологиялық ахуалын  қалыпты   күйде  өзін  ұстауына   бақылап  жасап  отыру  тапсырылды.

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі, 2016-2017 оқу жылында Қазақстан Республикасы Білім және ғылым министрлігімен бірлесіп «Рухани-адамгершілік және азаматтық-патриоттық тәрбиелеу контекстінде сыбайлас жемқорлыққа қарсы, мәдениетті мектеп ортасында қалыптастыру бағдарламасын» әзірлеген болатын. Бағдарлама бойынша жалпы білім беретін мектептерде тәрбие жұмысын ұйымдастыруға жәрдемдесетін және қатысатан «Адал Ұрпақ» ерікті мектеп клубтары құрылып, бүгінгі күнде қарқынды жұмыс пен іс-шаралар жоспарланып ұйымдастырылуда. Жас жеткіншектер Отан алдындағы борыштарын түсініп, болашақ үшін жауапкершіліктерін сезініп, «Адал Ұрпақ» клубына белсенділік танытып, тіркелуде. Оқушылардың құқықтық санасын қалыптастырып, дамытуда сыныптан тыс құқықтық тәрбие берудің маңызы ерекше.

Білім беру ұйымдары бойынша құқықтық тәрбие беруде жүргізілетін шаралар оқушылардың ҚР заңдары туралы білімдерін кеңейтуге және тереңдетуге,олардың құқықтық санасын қалыптастыруға,өз міндеттерін дұрыс қарауына,заңдарды сақтауға бағытталған.

Осыған орай,барлық  мектептерде  үнемі жаңартылып тұратын «Парасатты азамат» бұрышы жасалынып, оқушылар  арасында  «Біз жемқорлыққа қарсымыз»,  «Адал және сатылмайтын еңбек» тақырыбында            1-9 сыныптар арасында сурет көрмесі ұйымдастырылып,10-11 сыныптар   арасында  дөңгелек  үстелдер  өткізілсе, бастауыш сынып оқушылар арасында    «Өз құқықтарымызды білеміз бе?» тақырыбында түсіндіру  сабақтары жүргізілуде.

2016-2017 оқу жылының барысында жалпы білім беретін мектеп оқушылары арасында «Сенім телефондары», «Сенім жәшіктері” орнатылып, «Сыбайлас жемқорлыққа жол жоқ!» тақырыбында ашық сабақтар мен сынып сағаттар  өткізіліп, оқушылар арасында «Таза сессия» тақырыбында акциялар ұйымдастырылып жатыр.

Қосымша білім беру.

Ауданда 36 білім беру ұйымында барлығы 14 375 бала білім алуда. Олардың 8739-ы (60,7%, 2015-2016 оқу жылында 7493 бала -53%)  мектепішілік  спорттық секциялар мен түрлі үйірмелерге қатысады. Сонымен қатар, мектеп оқушыларының сабақтан бос уақытын тиімді ұйымдастыру, қосымша білім және тәрбие беру, оларды жан-жақты дамыту, оларға кәсіби бағдар беру бағытында 3 қосымша білім беру ұйымы жұмыс жасайды. Олар: Аудандық оқушылар үйі, Қорқыт ата атындағы балалар музыка мектебі және «Өнер және спорт» орталығы.

Қосымша білім беру ұйымдары әр түрлі бағыттағы байқауларға қатысып, қоржындарын жүлделермен еселеуде.Солардың кейбіріне тоқталар болсақ:

              2017 жылғы наурыз айының 31 жұлдызында облыстық фольклорлық-этнографиялық ансамбльдердің облыстық байқауынан С.Әліш жетекшілік ететін аудандық әуез мектебінің «Қорқыт сазы» ансамблі жүлделі І орынды иеленді.

Үстіміздегі жылдың 7 сәуір күні Қызылорда облысының білім басқармасы және облыстық оқу орталығының ұйымдастыруымен музыка және өнер мектептері педагогтарының арасында хореография  және үрмелі аспаптар бағыты бойынша «өнерлі өрге жүзер» атты байқауынан флейта және гитара класының оқытушысы Ибрайымов Әділхан жүлделі  ІІ орынмен марапатталды.

Инклюзивті білім беру

Инклюзивті білім беру жағдайында Қазақстан Республикасы Үкіметінің 2007 жылғы 5 ақпандағы №81 қаулысының 2 тармағын жүзеге асыру шеңберінде даму мүмкіндігі шектеулі балаларға кіріктірілген (инклюзивті) білім беруді ұйымдастыруда Қазалы ауданы бойынша №234 мектеп базасында ЗПР диагнозындағы (задержка психического развития) арнайы түзету класы 2005 жылы  ашылып, содан бері жұмыс жасап келеді. 2016-2017 оқу жылында   8 класс  (2, 3, 4, 5, 6, 7,8, класс ) ашылып 66 оқушы білім алуда. Оның ішінде  2 класта-11, 3 класта-14 оқушы, 4 класта-12 оқушы, 5-класта-8 оқушы, 6 класта-7, 7 класс 8, 8 класта-6 оқушы білім алуда. 

Инклюзивті білім беру жағдайында білім беру ұйымдарында  №249,№266, 234, №216, №70, №2 «Айгөлек» балабақшасында дефектолог, логопед мамандары жұмыс  жасауда.




Қазалы аудандық білім бөлімі  бойынша 2017 жылдың  І тоқсанында атқарылған жұмыстар туралы ақпарат

   Мектепке дейінгі тәрбие беру.

   Аудан бойынша 29 балабақша (19 мемлекеттік, 10 жеке) және 32  шағын орталық,( толық күн болатын шағын орталық саны-16) барлығы  61 мектепке дейінгі ұйым жұмыс жасайды. 29 балабақшада 2520 бала, 32 шағын орталықта 2159 бала, барлығы 5039 бала мектепке дейінгі  тәрбиемен қамтылған. Аудан бойынша 1-6 жастағы 10642 бала, 3-6 жастағы 4610 бала бар. 3-6 жастағы 4610 баланың   4610-ы балабақша мен шағын орталықтарда  тәрбиеленуде.   Мектеп жанындағы шағын орталықтарда 5-6 жастағы 2220  баланың 100 пайызы мектепалды даярлықпен қамтылып отыр

  2016  жылы әрқайсысы 75 орынға арналған «Нұрай», «Әбілмансұр» жеке балабақшалары жекеменшік-мемлекеттік әріптестік негізінде ашылып жұмыс жасауда. Жалаңтөс батыр ауылынан  апаттық жағдайдағы №14 «Сәуле» балабақшасының орнына 90 орынға арналған жаңа балабақша құрылысы салынып, 30 орынға 2 топ қосымша қосылды.

2017 жылдың  қаңтар айының 18-і күні № 16 мектеп-лицей базасында «Юный математик» тақырыбында орыс кластары арасында математикадан командалық сайыс өткізілді. Сайысқа 2,3,4 сынып оқушылары қатысты. Сайыс қорытындысымен № 266 мектеп-лицей командасы жүлделі І орын иеленсе, ІІ орынды № 16 мектеп-лицей командасы орын алды. Сонымен қатар, қаңтардың 20-сы күні № 165 мектеп базасында жаңартылған білім беру мазмұны аясында жұмыс жасап жатқан 1-сынып мұғалімдері арасында «Ықшам сабақтар шеруі» сайысы ұйымдастырылды. Сайыстың қорытындысы бойынша № 226 мектептің бастауыш сынып мұғалімі Абдразақова Адия жүлделі І орынмен марапатталды.

2017 жылдың  ақпанның 20-сында «Функционалдық сауаттылық:  бастауыш сынып  оқушыларының  оқу, жазу сауаттылығын  дамыту  жолдары» атты  аудандық  семинар  болып өтті.

2017 жылға дейін  білім беру мазмұнын жаңарту аясында біліктілік арттыру курстарынан жалпы 509 мұғалім, оның ішінде 185 бастауыш сынып мұғалімі курстан өтсе, 2017 жылға жоспарланған 98 бастауыш сынып мұғалімінің 75-і  біліктілік курсынан өтті. Сонымен қатар, 12 мектеп директоры білім беру мазмұнын жаңарту аясында мектептегі педагогикалық жүйені басқару бойынша біліктілік курсынан өтті.

       Орта білім беру

Аудан бойынша 36 мектеп жұмыс жасайды. Оның 3-уі негізгі мектеп болса, 33-і орта мектептер. Мемлекеттік бағдарламадағы апаттық және үш ауысымда білім беретін мектептерді 2019 жылға дейін толық жою мүмкіндіктері қаралған болса, ауданымызда апаттық жағдайдағы №№93, 98, 102, 134, 259 мектептердің жаңа ғимараты 2017 жылдың көлемінде пайдалануға беріледі.

Жаңа формациядағы ұстаздарды дайындау, ұлт жоспарының 76 қадамы негізінде адам капиталының сапасын көтеру  арқылы еліміздің білім жүйесін халықаралық стандарт деңгейіне жеткізу білімді де білікті мамандар дайындауды талап етеді.Қазіргі уақытта аудан мектептерінде 2336 мұғалім қызмет атқарады.Олардың жоғары білімдісі-2126, арнаулы орта білімдісі-210.  Жоғары санатты-135, (6%), І санатты–641 (27,4%), ІІ санатты - 916 (39,2%), Cанатсыз-644 (27,5%). Жоғары, І санатты мұғалімдердің үлесі-аудан бойынша 33,4 пайызды құрайды.

Қазіргі уақытта аудан мектептерінде 2336 мұғалім қызмет атқарады.Олардың жоғары білімдісі-2126, арнаулы орта білімдісі-210.  Жоғары санатты-135, (6%), І санатты–641 (27,4%), ІІ санатты - 916 (39,2%), Cанатсыз-644 (27,5%). Жоғары, І санатты мұғалімдердің үлесі-аудан бойынша 33,4 пайызды құрайды.

Бағдарламада жоғары және І санатты ұстаздардың үлесін 2017 жылы 52 пайызға жеткізу міндеті қойылған, ендігі кезекте осы бағытта жұмыстар жүргізілетін болады.

Үстіміздегі жылдың 24 наурыз күні «Дарынды балаларға – талантты ұстаз» атты Республикалық байқаудың аудандық іріктеу кезеңі болып өтті. Жас педагог қызметкерлердің шығармашылық әлеуетін және өзін-өзі дамыту үшін жағдай жасау, білім беру жүйесін жетілдіруге жас мұғалімдердің белсенді кәсіби көзқарасын қалыптастыру мақсатында өткізілген байқауға еңбек өтілі 3 жылдан кем емес жас педагогтар, психологтар қатысып, байқаудың шарттарына сәйкес жұмыстар көрсетті. Нәтижесінде №249 мектептің бастауыш сынып мұғалімі Жанәбілова Әйгерім І орынды иемденіп, облыстық кезеңге жолдама алды. Сәуір айының 3 күні облыстық кезеңі өтіп, Жанәбілова Әйгерім ІІ орын иемденіп, республикалық кезеңге жолдама алды.

№266 мектеп-лицейдің география пәнінің мұғалімі Махсұтова Жарқынгүл аудандық «Ең үздік география пәнінің мұғалімі-2017» байқауында бас жүлдені иемденіп  облыстық кезеңінде ІІ орын  алды.

Қорқыт ата атындағы Қызылорда мемлекеттік университетінің  80 жылдығына орай олимпиадада №249 мектеп-лицейдің 9 сынып оқушылары  Нағи Гүлнұр, Төлеген Айтолқын  ІІІ орын иеленді, жетекшісі тарих пәнінің мұғалімі Шохан Ботагөз.

Қорқыт Ата атындағы Қызылорда мемлекеттік университетінің Құқықтану кафедрасының оқытушылары Ж.А.Исаева, Е.Қ.Саниязовалар Қазалы ауданында құқықтық білімді насихаттау мақсатында «Жасы кәмелетке толмағандардың құқықтық жауаптылық мәселелері» тақырыбында ғылыми семинар өткізілді. Семинар жұмысында сонымен бірге Қазақстан заңнамаларындағы  соңғы өзгерістер мен толықтырулар таныстырылып, семинар жұмысына барлық білім беру ұйымдарының  9-11 сынып оқушылары және құқық пәнінің мұғалімдері қатысып сертификатталды.

«Білім беру мазмұнын жаңарту жағдайындағы бағдарламалар» бойынша біліктілік  арттыру курстарынан бүгінгі күнге дейін 48 мектеп басшылары, 483 пән мұғалімдері өтті.  2017 жылы деңгейлік бағдарлама бойынша 65,  білім беру мазмұнын жаңарту бағдарламасы бойынша 496, робототехника бойынша 21 педагог біліктілігін арттырады.

Сонымен қатар, облыс бойынша 22  инновациялық мектептер қатарына  біздің ауданымыздағы №266,249,16 мектеп- лицейлер мен №226 гимназия кіріп отыр. Бұл 4 мектепте пәндерді ағылшын тілінде оқыту жұмыстары бойынша тиісті қаржылар бөлініп, 2016 жылдың қаңтар айынан басталып та кетті. Аталған мектептерде апталық оқу жүктемесінің артықшылығы: бейінді пәндер үшін қосымша-4 сағат; үйірмелер үшін-4,5 сағат; келісім шарт негізінде жеке курстар мен лекциялар үшін-1500 сағат. Осы жеке курстар мен лекциялар үшін Қорқыт ата атындағы мемлекеттік университетінің мұғалімдерімен келісім-шарт жүргізіліп, қазіргі таңда университет мұғалімдері аудан мектептеріндегі оқушыларға келіп дәріс беруде.

Аудан бойынша үштілділік саясатын жүргізуге байланысты ағылшын тілін оқытудың заманауи әдістемесін енгізу мақсатында «SPEAK ENGLISH KAZAKHSTAN» ағылшын тілінде оқыту орталығының ұйымдастыруымен аудандағы ағылшын тілі пәні мұғалімдері жоспарға сай тілдік біліктілікті арттыру курстарынан өткізілуде. Атап айтар болсақ, Америкадан келген әдіскермен ауданымыздан 55 ағылшын тілі пән мұғалімі және жоғары сыныптардағы жаратылыстану бағытындағы пәндерден сабақ беретін 20 мұғалім қысқа мерзімді курстан өтті. Әйтеке би кентінде  сураныс білім бөлімінің ұсынысымен «SNAP ENGLISH» орталығы ашылып, онда 80 оқушы тереңдетілген ағылшын тілін үйренуде.  Сонымен қатар, «Арман» оқу орталығында 108 оқушы тереңдетілген ағылшын

Ұлттық біріңғай тестілеу   

Ауданы бойынша 33 орта мектептен  713 оқушы бітіргелі отыр.          Қазіргі таңда бітіруші 713 оқушының 513-і (72%) ҰБТ-ға қатысуға тілек білдіріп отыр.

          Барлық мектептерде бітіруші оқушыларға, олардың ата-аналарына, пән мұғалімдеріне «Ұлттық бірыңғай тестілеуді ұйымдастыру және өткізу жөніндегі нұсқаулық» ережелері бойынша түсіндіру жұмыстары жүргізілді.

         Оқушылардан мектепте, ұлттық бірыңғай тестілеу орталығының №71 филиалы арқылы жүйелі түрде айына 4 реттен байқау тест алынып, қорытындылары педагогикалық кеңестерде, ата-аналар жиналыстарында талқылануда. Соның ішінде ұлттық тестілеу орталығында айына 2 реттен аудандық білім бөлімінің ұйымдастыруымен осы кезге дейін 12 рет сынама тесттер өткізілді.

Ұлттық бірыңғай тестілеуге қатысатын оқушыларды тасымалдауға 700 000 теңге, тамақтандыруға және жатын орнына 1 млн 300 мың теңге аудандық бюджеттен барлығы  2 000 000 теңге қаражат бөлінді.

Сонымен қатар әр оқушыдан 3 реттен тегін сынама тест алу үшін 2264 дана 2017 жылғы тест кітапшаларын сатып алуға аудандық бюджеттен 795 000 теңге қаржы бөлініп, кітапшалар сатып алынды.

Арал ауданында орналасқан «Қамбаш» балаларды сауықтыру орталығында дайындық жұмыстарын жүргізу үшін аудандық бюджеттен барлығы 500 оқушыға 12 млн 500 мың теңге бөлініп қазіргі таңда 280 оқушы дайындық жұмыстарын жүргізді. Алдағы Сәуір, мамыр айларында қалған 220 оқушы дайындық жұмыстарын жүргізетін болады.

ҰБТ ны өткізу үшін жаңадан аркалы металіздегіш, ұялы телефон тұншықтырғыш құрылғыларын сатып алуға 2 млн 489 мың теңге қаржыға және 4 каналды бейнебақылау алуға 440 мың теңгеге бюджеттік өтінім берілді.

Наурыз айында алынған байқау сынағының қорытындысымен бітіруші 713 оқушыдан 441 оқушы (62%) ҰБТ тапсыруға тілек білдіріп, аудан бойынша орташа балл 88,6 балды құрап отыр.

27 мектептен 85 үміткер «Алтын белгі» белгісіне, 8 мектептен 16 үміткер «Үздік аттестатқа»  барлығы 101 оқушы үміткерлікке ұсынылып отыр.

Қыздар Мемлекеттік педагогикалық университетінің ұйымдастыруымен өткізілген «Алтынсарин-2017» олимпиадасының қорытындысымен №249 мектеп-лицейден 2 оқушы, №170 орта мектептен 1 оқушы, №266 мектеп-лицейден 1 оқушы осы университеттің грант иегері атанды.

Қазіргі таңда 11 сыныпқа сабақ беретін 398 мұғалімнен 2 рет онлаин тесттілеу арқылы сынама тест алынды.

Олимпиада, түрлі жарыстар

Олимпиада қорытындысымен облыстық олимпиаданың іріктеу турына 10-11 сыныптардан 11 пәннен І орын алған 19 оқушы ұсынылды.

Ең көп оқушы ұсынған №249 және №266 мектеп-лицейлерден 5 оқушыдан, №226 мектеп гимназиядан 4 оқушы, №16 мектеп-лицейден 1 оқушы, №91, 70, 165, 204  мектептерден 1 оқушыдан ұсынылды.

Республикалық олимпиаданың ІІІ (облыстық) кезеңі 2017 жылдың 5-6 қаңтар күндері Қызылорда қаласында №264 мектеп-лицей базасында өткізілді.

Облыстық олимпиада қорытындысымен қатысқан 19 оқушының 10 оқушысы жүлделі орындарға ие болып Қазалы ауданы аудандардың арасында жоғары жетістікке жетті. Олимпиаданың Республикалық кезеңіне №249 мектеп-лицейден Жәли Гүлсезім 11 сынып Құқық негіздері пәні бойынша пән мұғалімі Изжанов Жанболат, Талғатбекова Алтынай 11 сынып Орыс тілі мен әдебиеті орыс сыныптарында пәні бойынша пән мұғалімі Тухватулина Фатима, №16 мектеп лицейден Шадымұратова Динара 10 сынып Қазақ тілі мен әдебиеті орыс сыныптарында пәні бойынша пән мұғалімі Абдуллаева Алия барлығы 3 оқушы Республикалық олимпиадаға қатысып келді.

Бұқаралық спортты дамыту.

2017 жылдың 24 наурыз-4 сәуір аралығында спорттың 6 түрінен өткізілген  мектеп оқушыларының облыстық көктемгі  спартакиадасында Қазалы ауданының  командасы жалпы командалық есепте  І орынды  жеңіп алды.

Облыстағы білім беру мекемелеріндегі денешынықтыру пәні мұғалімдерінің арасында өткізілген   «Үздік дене шынықтыру мұғалімі - 2017» облыстық байқауында №249 мектеп-лицейдің дене шынықтыру пәнінің мұғалімі Еркебаев Серік  ІІ орын иеленді.

2017 жылдың І тоқсанында білім беру мекемелерінде «Мен - чемпион»  балалар  спорттық  ойынының  аудандық   жарысы өткізілді. Кеңес  әскерлерінің  Ауғанстаннан шығарылғанына 28 жыл толуына орай қол добынан  оқушылар арасында жарыс, Кеңес әскерлерінің Ауғанстаннан шығарылғанына 28 жыл толуына орай   Н.Әзиевті еске алуға арналған пневматикалық мылтық атудан аудандық турнир. Халықаралық әйелдер күніне орай «Мерген  ару-2017» пневматикалық мылтық атудан оқушылар арасында жарыс ұйымдатырылды.

Қаржының игерілуі        

Аудандық білім бөлімі  бойынша 2017 жылдың 3 айына 1570073,0 мың теңге қаралып, қаралған қаржы 1569088,7 мың теңгеге, яғни  99,9  пайызға орындалды.          

 



Кіру