ҚАЗАЛЫ АУДАНЫ

Әкімдігінің ресми интернет - ресурсы

Нашар көретіндерге арналған нұсқа
Аудан
Билік
Құқық
Экономика
Бизнес
Инфрақұрылым
Қоғам
Мем. қызметтер
Байланыс
Әкім блогы
Билік
Құқық
Экономика

Қаржы


2017 жылдың II тоқсаны бойынша атқарылған жұмыстар

Аудан бюджетінің атқарылуы туралы

Кірістер

      2017 жылдың 1 шілдесіне  аудан  бюджетінің  нақтыланған  түсімдер болжамы 6 707 698,0 мың теңге болса,  нақты 6 854 995,5 мың  теңгеге немесе 102,2  пайызға орындалып,  оның ішінде өз кірістеріміз бойынша болжамы 575 144,0  мың теңге 682 012,5  мың  теңгеге  немесе 118,6 пайызға орындалды.

     Есепті кезеңде республикалық және облыстық бюджеттерден 5 877 292,0 мың теңге осы күнге  (100,0 пайыз) трансферттер алынды, оның ішінде  субвенция –5 278 575,0 мың теңге (100,0 пайыз),  ағымдағы  нысаналы трансферттер 182 362,0 мың  теңге  (100,0 пайыз), дамуға  арналған  нысаналы трансферттер 416 355,0 мың теңге (100 пайыз), бюджеттік кредиттерді өтеу бойынша есепті кезеңге болжанбаған болса да, нақты 40 429,0 мың теңгеге өтелді.

Шығындар

      Аудан бойынша 2017 жылдың 1 шілдесіне шығындар жоспары 6 841 351,8 мың теңге болса, нақты 6 516 289,3 мың теңгеге немесе 95,2 пайызға орындалып, 325 062,5 мың теңге қаражат қалдықта тұр.

      Оның ішінде: республикалық бюджеттен 305 573,9 мың теңге (56,8 пайыз), облыстық бюджеттен 11 242,1 мың теңге (92,4 пайыз), жергілікті бюджеттен 8 246,5 мың теңге (99,9 пайыз), атап айтқанда,

Аудандық құрылыс бөлімінен 304 777,4 мың теңге (31,5 пайыз),

Аудандық тұрғын үй коммуналдық шаруашылық, жолаушылар көлігі және автомобиль жолдары бөлімінен 13 572,2 мың теңге (83,6 пайыз),

Алға ауылдық округінен 2 175,2 мың теңге (94,7 пайыз),

Қаражаттардың игерілмеуінің  негізгі себептері – мемлекеттік сатып алу конкурсында жеңімпаздың анықталмауынан, мемлекеттік сатып алу конкурсынан және әр түрлі бағдарлама ерекшеліктерінен  үнемделген қаржылар.

      Алдағы уақытта мекемелердің қаржылық жеке жоспарындағы қаражатты толығымен игеруде сапалы жұмыс жүргізу күнделікті бақылауға алынып,  бағдарлама әкімшілерімен тиісті жұмыстар жүргізілуде.   

 Мемлекеттік сатып алу  туралы

2016 жылдың 1 қаңтарынан бастап қолданысқа енгізілген Қазақстан Республикасының «Мемлекеттік сатып алу туралы» жаңа Заңының  талаптарына сәйкес Қазалы ауданы бойынша жергілікті бюджеттен қаржыландырылатын мемлекеттік мекемелер мен кәсіпорындар (92 мемлекеттік заңды тұлға) 2017 жылға арналған мемлекеттік сатып алудың жылдық жоспарларын бекітіп, мемлекеттік сатып алудың веб-порталына бекітілген жылдық жоспарларын толықтай орналастырды. Заңға сәйкес өзгерістер мен толықтырулары порталға ай сайын 1 реттен енгізіліп келеді. 

            Аудандық қаржы бөлімі тарапынан бюджетті сапалы, уақытылы игеру мақсатында мемлекеттік сатып алуға байланысты, оның ішінде, конкурстық тәртіптердің орындалуына және мерзімінен кешікпей өткізілуіне апта сайын мониторинг жүргізіліп келеді. 

 Ауданның коммуналдық меншігі туралы

Аудан бойынша барлығы 135 заңды тұлғалар жұмыс жасауда оның ішінде 85 мемлекеттік мекеме, 46 мемелекеттік коммуналдық қазыналық кәсіпорындар, 3 шаруашылық жүргізу құқығындағы мемлекеттік коммуналдық кәсіпорын және 1 жауапкершілігі шектеулі серіктестігі бар.

ҚР Премьер-Министрінің 2011 жылғы 5 мамырдағы №64-Ө өкімімен бекітілген «Мемлекеттік мүлік туралы» Қазақстан Республикасының Заңын іске асыру жөніндегі іс-шаралар жоспарына сәйкес, мемлекеттік мүлікті есепке алу саласындағы біріңғай оператор яғни «Ақпараттық есептеу орталығы» акционерлік қоғамы мемлекеттік мүліктің деректеріне қол жеткізуді ұсыну оның деректерін коммуналдық меншіктегі объектілері бойынша қамтамасыз ету үшін келісім-шарт жасалды. 

            Осыған сәйкес аудан көлемінде орналасқан мемлекеттік мекемелер мен мемлекеттік кәсіпорындар «Есептілікті тапсырудың бірыңғай жүйесі» бағдарламасын пайдалана отырып, ГосРеестр сайтына енгізу үшін «Ақпараттық есептеу орталығы» акционерлік қоғамына электронды түрде тоқсандық есептіліктерін тапсырып келеді.

Қазақстан Республикасы Ұлттық Экономика министрлігінің 2015 жылғы 17 наурыздағы «Мемлекеттік мүлікті мүліктік жалдауға (жалға алуға) беру қағидаларын бекіту туралы» №212 бұйрығына (Қазақстан Республикасы Ұлттық Экономика министрінің 2015 жылғы 23 қазандағы № 679 бұйрығымен өзгерістер мен толықтырулар енгізілген) сәйкес, жыл басынан бері өз өтініштеріне сәйкес 13 жеке және 2 заңды тұлғалармен жалға беру туралы келісім шартқа отыру арқылы (буфет, асхана)  мемлекеттік мекемелердің теңгеріміндегі ғимараттарынан жекелеген бөлмелері кейіннен сатып алу құқығынсыз жалға беріліп, нәтижесінде жергілікті бюджетке      499,5 мың теңге түскен.



Кіру